شه‌پۆلی تۆره‌یت به ‌رقێكی كۆنی عه‌شقه‌وه‌
به‌ره‌و مه‌نفاكانی عه‌شق دێت و
حه‌زه‌ نهێنیه‌كانم راده‌مالێت...
هێنده‌ له‌ دركاندنی رازه‌كانم په‌له‌م كرد
تا وام لێ هات...
به‌هه‌ڤپه‌یڤینێكی وه‌همیش رازیبم
رۆژ ژمێره‌ هه‌لواسراوه‌كه‌ی ئه‌سا
له‌حزه‌ هه‌نگوینیه‌كانی
له‌ هه‌گبه‌ی ته‌مه‌نی تۆمار كرد..
ئه‌و نهێنیانه‌ی بۆتۆم ده‌دركاند
به‌ رۆشنایی رازێكی مۆحیبه‌ت بوو
بۆ دروست كردنی كۆشكێكی
چاوه‌روان نه‌كراو...

ئه‌و به‌یانیانه‌ی به‌شه‌مه‌نده‌فه‌ری وه‌هم
به‌ره‌و مه‌مله‌كه‌تی رمووزه‌كان ده‌چووین
گه‌لێك پیرۆزبو له‌لام...!
له‌حه‌زه‌كانی چرپه‌ی كازیوه‌م خۆش ده‌ویست
به‌یادی موسافری به‌یانیان
تا بۆ چه‌ند چركه‌یه‌كیش بێت
شادبم به‌نیگای جوانیت
هونینه‌وه‌ی شیعره‌ بالداره‌كانی غوربه‌ت
ببوه‌ قه‌قنه‌سێكی شادی
هه‌موو ئێواران له‌ساته‌كانی توانه‌وه‌
به‌ره‌و مه‌مله‌كه‌تی ئه‌وینت هه‌لده‌فرین
ئه‌مێستا....
په‌شیمانم له‌ دركاندنی رازه‌كان
چونكه‌ ترسه‌ شه‌پۆله‌كه‌ی عیشقت
گومان له‌ ده‌ریا قولكه‌ی ده‌رونم ده‌كات
ده‌لێ هه‌رچه‌نده‌ شه‌پۆلی توره‌یت
تێرامانه‌كانم ه‌ره‌س پێ بهێنێت
ئه‌وا زیاتر...
عه‌شقت له‌ دل ده‌چه‌سپێت و
خۆشم ده‌وێی....!!

ئاری ئاغۆك