بۆزیاتر بینینی بابه‌ت کلیکی سه‌ر درێژه‌ی بابه‌ت بکه‌

هه‌ست كردن به‌كه‌می يه‌كێك له‌ گرێيه‌ ده‌رونيه‌ زۆر باوه‌كانی هه‌مو سه‌رده‌مه‌كان، له‌ ته‌مه‌نه‌جياوه‌زه‌كان ده‌بينريت . گرينگ نيه‌ مرۆڤه‌كه‌ ( منداڵه‌ _ هه‌رزه‌كاره‌ _ گه‌نجه‌ _ ياخود سه‌روی ئه‌م ته‌مه‌نانه‌يه‌ ) .

هه‌ست كردن به‌كه‌می : بريتيه‌ له‌و هه‌سته‌ی له‌ ئه‌نجامی نادروستی ده‌رونی و ڕه‌شبينی و بڕوابه‌ خۆ نه‌بونه‌وه‌ دروست ده‌بێ ، ژيانی كه‌سه‌كه‌ به‌ ته‌واوی ده‌گۆڕێ بارێكی ناهه‌مواری دێنێته‌ پێش .
( فرۆيد ): ئه‌و كه‌سانه‌ ده‌ناسێنێ به‌ كه‌سه‌ دابڕاوه‌كان له‌ ژيان .
هه‌ندێ جاكه‌سه‌كه‌ هه‌قيه‌تی كاتێ ئه‌م هه‌سته‌ی بۆ دروست ده‌بێ ؛ چونكه‌ بيرده‌كاته‌وه‌ ئه‌و كاره‌ی ئه‌و ئه‌نجامی ده‌دا كاری ئه‌و نيه‌ كاری گه‌وره‌تر شياويه‌تی . كاتێ له‌ ئه‌نجامی كارێك هه‌قی خۆی پێنادرێت ، يان به‌ش خوراو ماف خوراوه‌ ، كاتێ كه‌سی ناشياو له‌ شوێنێكی شياو داده‌نرێت.......... هتد له‌ ده‌سه‌لاتی خۆی ده‌روا و ده‌رونييه‌ن هه‌ست به‌كه‌می ده‌كا
سايكۆلۆژسته‌كان دان بوه‌ داده‌نێن :
كه‌ مرۆڤ له‌ هه‌ر قۆناغێك بژێت هه‌وڵی ململانێ له‌ پێناو مانه‌وه‌ ده‌دات ( صراع من أجل البقاء )
ده‌رونزانان ڕۆنيان كردۆته‌وه‌ كه‌ نابێت ئه‌م مانه‌وه‌يه‌ مه‌زاجی و له‌سه‌ر حسابی ئه‌وانيتر ‌بێت ، چونكه‌ ئه‌مه‌ به‌شێكه‌ له‌ خۆ په‌رستی و كه‌مكردنه‌وه‌ له‌ كه‌سی به‌رامبه‌ر . هه‌ستكردن به‌كه‌می .

ناسينه‌وه‌ی ئه‌و كه‌سانه‌ی هه‌ست به‌ كه‌مه‌ی ده‌كه‌ن :
كاتێك به‌ چاك ناوی كه‌سێك ده‌بردرێت لای ئه‌و پێناخۆشه‌ ؛ له‌م كاته‌ هه‌وڵ ده‌دا له‌ كه‌سه‌كه‌ كه‌م كاته‌وه‌ ، ڕوداوێكی ژيانی باس بكا تا له‌ گه‌وره‌يی ئه‌ و كه‌م كاته‌وه‌ ئه‌م باس كردنه‌ی هه‌ندێ جار له‌ ڕێگه‌ی گاڵته‌و گه‌په‌وه‌ ده‌بێت .
كاتێك باسی هه‌بونی و ده‌وڵه‌مه‌ندی كه‌سێك ده‌كرێت ، بير له‌ هه‌وڵ و ماندوبون و شه‌ونخونی كه‌سه‌كه‌ ناكه‌ته‌وه‌ و چاوی به‌ هه‌بونی كه‌سه‌كه‌ هه‌ڵنايه‌ت ، هه‌وڵی له‌كه‌داركردنی ده‌دا باسی ژيانی چه‌ند ساڵ له‌مه‌و به‌ری ده‌كرێت و ڕه‌نگه‌ هه‌ندێ جار قسه‌ی دوور له‌ ڕه‌فتاری مرۆڤايه‌تی له‌سه‌ر ده‌كرێت .هه‌ست كردن به‌ كه‌می هه‌ندێ جار ڕوبه‌ڕوده‌بێت و سوكايه‌تی ڕاسته‌وخۆ ئه‌نجام ده‌دا . ‌هه‌ندێ جاريش كاره‌ ڕه‌واكان ئه‌م هه‌سته‌ دروست ده‌كه‌ن .

سه‌رچاوی من و تۆ